काठमाडौ । प्रधानमन्त्री शेरबहादुर देउवाले प्रतिनिधिसभाबाट आज विश्वासको मतका लागि प्रस्ताव दर्ताए गराउनु भएक संगै नेकपा एमाले माधव नेपाल पक्षले के गर्छ भन्ने चासो सर्वत्र छ । नेकपा माओवादी केन्द्र, जनता समाजबादी पार्टी उपेन्द्र यादव समूह र राष्ट्रिय जनमोर्चाले देउवालाई विश्वासको मत दिने निर्णय गरिसकेको छ ।
नेपाली काग्रेसको ६१ माओवादीकेन्द्रको ४९ जनमोर्चाको १ तथा जनता समाजवादी पार्टीको १७ सांसद देउवाको पक्षमा उभिएका छन् । प्रतिनिधिसभाको कुल सदस्य संख्या २७१ मध्ये बहुमतको लागि १३६ सांसदको समर्थन आवश्यक पर्छ । जसका लागि थप ८ मत आवश्यक पर्छ । निर्णायक शक्तिका रुपमा रहेको नेकपा एमाले माधव नेपाल समुहले आवश्यक पर्ने मत मात्र देउवालाई दिने तयारी गरेको छ ।
नेपाल समूहका एक नेताका अनुसार बहुमतका लागि जति मत आवश्यक पर्छ त्यो हामीले दिन्छौ हाम्रा पक्षका अन्य साथीहरु तटस्थ बस्ने वा पक्षमा उभिने भन्ने सल्लाह भै रहेको छ ।
ती नेताका अनुसार आज विश्वासको मत दिए संग लगभग पार्टी फुट्ने हुदा केही दिन भित्र नै संसद अधिवेशन रोकेर अध्यादेश मार्फत राजनीतक दल सम्बन्धी अध्यादेश जारी गर्ने र निर्वाचन आयोगमा दर्ता भएको नयाँ दल क्रियाशिल गराउने र सरकारमा उपप्रधानमन्त्री सहित आठ मन्त्रालय लिएर सारकारमा सहभागी हुने जानकारी दिनुभयो ।
