काठमाडौं । पहिलो संस्करणको नेपाल टी–२० लिगअन्तर्गतको दोस्रो क्वालिफायर खेलमा जनकपुर रोयल्सलाई हराउँदै विराटनगर सुपर किंग्स फाइनलमा पुगेको छ ।
टियु मैदानमा भएको खेलमा विराटनगरले जनकपुरलाई ३९ रनले पराजित गरेको हो ।
विराटनगरले दिएको १ सय ६८ रनको लक्ष्य पाएको जनकपुरले १९.१ ओभरमा अलआउट हुँदै १ सय २८ रन बनायो।
जनकपुरका लागि चाडविक वाल्टनले ४७ बलमा ५१ रनको अर्धशतकिय इनिङ खेले । उनले ६ चौका प्रहार गरे । यस्तै कप्तान ट्राभोन ग्रिफिथले ३४ रन बनाए । ग्रिफिथ र चाडविक वाल्टनले ५६ रनको साझेदारी गरे । खडक बोहोराले १४ रन बनाए भने अन्य खेलाडीले दोहोरो अंकमा रन बनाएनन् ।
विराटनगरका लागि बलिङ गरेका राज नाननले ४ ओभरमा २८ रन दिएर ३ विकेट लिए । यस्तै कियोन जोसेफले ३, नन्दन यादवले २ र सुर्य तामाङले १ विकेट लिए ।
त्यसअघि पहिले ब्याटिङ गरेको विराटनगरले २० ओभरमा ६ विकेट गुमाएर १ सय ६७ रन बनाएको थियो । विराटनगरका लागि गौरान्शु शर्मा ४२ रन बनाए । यस्तै अर्जुन साउदले ३५ रन बनाउँदा राज नाननले ३३ रन बनाए भने हुसेन तलत ३१ रनमा आउट भए ।
जनकपुरका लागि बलिङ गरेका जितेन्द्र मुखियाले २ विकेट लिए भने सोमपाल कामी,सरफुदिन असरफ,ललित नारायण राजवंशी र शमीउल्लाह शिनवारीले समान १र१ विकेट लिए ।
विराटनगरले फाइनलमा लुम्बिनी अल स्टारसँग उपाधिको लागि खेल्नेछ ।
यस लिगको विजेताले ५५ लाख पाउनेछ भने उपविजेताले ३० लाख नगद पुरस्कार प्राप्त गर्नेछ । यस्तै तेस्रो हुनले १० लाख र चौंथोले ५ लाख पाउने छ।
त्यस्तै प्लेयर अफ द सिरिजले ५ लाख प्राप्त प्राप्त गर्नेछ भने उत्कृष्ट बलर र उत्कृष्ट ब्याटरले २ लाख ५० हजार पाउने छन् । इमर्जिङ प्लेयरले १ लाख ८० हजार पाउने छ ।
