काठमाडौं । नेकपा एमालेका अध्यक्ष केपी शर्मा ओलीले प्रतिनिधि सभा विघटनको विषयमा कांग्रेस सभापति एवम् संसदीय दलका नेता शेरबहादुर देउवाले उठाएको विषयमा जवाफ फर्काएका छन् ।
मंगलबार प्रतिनिधि सभामा बोल्दै अध्यक्ष ओलीले भने ‘२०१५ सालमा संसद् बन्यो, २०१७ सालमा विघटन भयो। त्यसको विघटन गर्ने राजा महेन्द्र हुन्। म होइन। २०४८ सालमा निर्वाचन भयो ।०५१ सालमा विघटन भएर मध्यावधिमा जाने नेपाली कांग्रेस हो । म होइन ।,’
ओलीले देउवालाई संकेत गर्दै भने, ‘गुरुजी, कतिपल्ट संसद् विघटन भयो ? कतिपल्ट के भयो ? माननीय शेर बहादुरजीले ०५८ साल असारमा संसद विघटन गरेर मध्यावधी गएको होइन । म मेरा मित्रलाई सोध्न चाहान्छु, यहाँले होइन संसद विघटन गर्या होइन ? अरुले विरोध गरेको भए पनि मैले त्यतिबेला समर्थन गरेको थिएँ ।’
कांग्रेसले प्रतिनिधि सभा विघटन गरेको स्मरण गर्दै आफूले गरेको संसद् विघटन पनि सही नै भएको ओलीको दाबी छ ।
