काठमाडौँ । नेपाली सुनचाँदी बजारमा केहि दिनदेखि लगातार बढ्ने क्रममा रहेको सुनको मूल्य आज हालसम्मकै महँगो बनेको छ ।
आज छापावाल सुनको मूल्य प्रतितोला रु एक लाख तीन हजार नौ सय तोकिएको छ । अघिल्लो दिन प्रतितोला रु एक लाख तीन हजार तीन सयमा कारोबार भएको सुनको मूल्य आज प्रतितोला रु छ सयले बढेको हो ।
नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु एक लाख तिन हजार चार सय रहेको छ । त्यस्तै आज चाँदीको मूल्य अघिल्लो कारोबार मूल्यका तुलनामा रु १० ले बढेर प्रतितोला रु एक हजार तीन सय ९० पुगेको महासङ्घले जनाएको छ ।
