काठमाडौँ । सहिद स्मारक ‘ए’ डिभिजन लिग क्लब एफसी खुमलटारको मुख्य प्रशिक्षकमा यम प्रसाद गुरुङ नियुक्त भएका छन् ।
नवप्रवेशी क्लब खुमलटारले आइतबार गुरुङलाई मुख्य प्रशिक्षक नियुक्त गरिएको जनाएको छ ।
गुरुङ नेपाली यू–२० राष्ट्रिय महिला टिमको मुख्य प्रशिक्षक समेत हुन् । उनको नेतृत्वमा नेपालले यू–२० महिला साफ च्याम्पियनसिप खेल्दैछ ।
नयाँ सिजनको ‘ए’ डिभिजन लिगका लागि खुमलटारले गुरुङलाई मुख्य प्रशिक्षक नियुक्त गरेको हो ।
डबल राउण्ड रोबिनको आधारमा हुने ‘ए’ डिभिजन लिग फागुन १९ गतेबाट सुरु हुँदैछ ।
