काठमाडौँ । स्पेनिस ला लिगा फुटबल अन्तर्गत रियल मड्रिडले पराजय व्यहोरेको छ ।
शनिबार राति भएको खेलमा रियल भिल्ला रियलसँग २–१ गोलले पराजित भएको हो ।
भिल्ला रियललाई जित दिलाउन एरिमी पिनो र जेरार्ड मोरेनोले एक–एक गोल गरे । रियलका करिम बेन्जिमाले एक गोल फर्काए ।
जितसँगै १६ खेलमा २७ अंक जोडेको भिल्ला रियल पाँचौं स्थानमा उक्लिएको छ ।
रियल ३८ अंकसहित दोस्रो स्थानमा यथावत रहेको छ । हारसँगै रियलले शीर्ष स्थानमा उक्लने मौका गुमाएको छ ।
