एजेन्सी । साउथ फिल्म इन्डस्ट्रीका सुपरस्टार थालापथी विजय यतिबेला आफ्नो आगामी फिल्म ‘वारिसु’लाई लिएर चर्चामा छन् ।
यसैबीच उनको व्यक्तिगत जीवनलाई लिएर सामाजिक सञ्जालमा पनि निकै हलचल भइरहेको छ । विजयले आफ्नी श्रीमती संगीतासँग डिभोर्स गर्ने समाचार आइरहेका छन् । विवाहको २३ वर्षपछि यो जोडीले अलग हुने निर्णय लिएको बताइएको छ ।
फिल्ममेकर एट्लीकी श्रीमतीको बेबी शावरमा संगीता उपस्थित नहुँदा डिभोर्सको खबर आयो । यसपछि डिभोर्सको खबर आएपछि उनी ‘वारिसु’को ट्रेलर लञ्च कार्यक्रममा पनि देखिएनन् । यद्यपी, सम्बन्धविच्छेदका सम्बन्धमा उनीहरुले अहिलेसम्म आफ्नो तर्फबाट केही भनेका छैनन् ।
विजय र संगीताको विवाह भएको करिब २३ वर्ष भइसकेको छ । यो जोडीले २५ अगस्ट १९९९ मा विवाह गरेका थिए । दुवैले त्यस अवधिमा हिन्दू र क्रिस्चियन दुवै धर्ममा विवाह गरेका थिए । २००० मा, दम्पतीले जेसन सञ्जय नामको पहिलो बच्चालाई जन्म दिए । जबकि २००५ मा यी दुईलाई पुत्रीलाभ भयो ।
