काठमाडौँ । प्रतिनिधिसभाका ज्येष्ठ सदस्य पशुपतिशम्शेर जबराले बोलाउनुभएको सर्वदलीय बैठक सुरु भएको छ ।
नयाँ बानेश्वरस्थित संघीय संसद् भवनमा सुरु भएको सर्वदलीय बैठकमा पार्टीका सचेतक र संसदीय दलका प्रतिनिधि सहभागी हुनुहुन्छ । बैठकमा स्वतन्त्र सांसदहरू पनि सहभागी भएको बताइएको छ ।
संसद्को पहिलो बैठक पुस २५ गते बस्दैछ । सोहि बैठकका लागि एजेण्डा तय गर्न आज प्रतिनिधिसभाका ज्येष्ठ सदस्य जबराले सर्वदलीय बैठक बोलाउनुभएको हो ।
बैठकमा सभामुख चयन, सरकारले विश्वासको मत लिने तयारी, राष्ट्रपतिको सम्बोधन लगायतका विषयमा छलफल हुने बताइएको छ ।
