एजेन्सी । बाल अभिनेत्री रुहानिका धवनले मुम्बईमा एउटा घर किनेकी छन् । उनले सामाजिक सञ्जालमार्फत आफ्ना फ्यानहरुलाई यसबारे जानकारी दिएका हुन् ।
उनले घरका केही तस्बिर सेयर गर्दै निकै भावुक क्याप्सन पनि लेखेकी छन् । नयाँ घरमा रुहानिका आफ्नो परिवारसँग निकै खुसी देखिएकी थिइन् ।
उनले आफ्नो सफलताको श्रेय आमालाई दिएकी छन् । उनी भन्छिन् –‘अबदेखि धेरै मेहनत गर्ने र यसरी नै आफ्ना सबै सपनाहरू पूरा गर्छु ।’
स्टार प्लसको चर्चित टिभी शो ‘ये है मोहब्बतें’ मा देखिएकी रुहानिका धवन उर्फ ‘छोटी रुही’ले आफ्नो अभिनयले हरेक घरमा छुट्टै पहिचान बनाएकी छिन् । यही लोकप्रियताका आधारमा उनी आज आफ्ना सबै सपना पूरा गरिरहेकी छिन् । १५ वर्षको उमेरमा उनले मुम्बईमा आफ्नै ३ बीएचके फ्ल्याट खरिद गर्न सफल भइन् ।
