एजेन्सी । बलिउड स्टार सलमान खानले २७ डिसेम्बरमा आफ्नो ५७ औं जन्मदिन मनाएका थिए । यस अवसरमा ‘भाइजान’को एक झलक पाउन उनको घरबाहिर हजारौं फ्यानको भीड उभिएको थियो ।
सलमानलाई सबैले भेट्न नसके पनि उनका फ्यान समीरको क्रेज देखेर उनी आफूलाई भेट्नबाट रोक्न सकेनन् । वास्तवमा, जबलपुर निवासी समीरले चिसो मौसममा सलमान खानलाई भेट्न ११०० किलोमिटर साइकल गुडाएका थिए । सलमान खानले पनि आफ्ना फ्यानको भावनाको कदर गर्दै उनलाई भेटेर फोटो खिचे ।
मिडिया रिपोर्टका अनुसार समीर सानैदेखि सलमानका ठूला फ्यान हुन् । २२ डिसेम्बरमा, समीर जाडो मौसममा जबलपुरबाट साइकलमा हिँडेका उनी २९ डिसेम्बरमा मुम्बई पुगे । जब सलमानलाई उनको यो फ्यानको बारेमा थाहा भयो तब उनी फ्यानलाई भेट्न घरबाट बाहिर निस्के ।
यस क्रममा उनी समीरको साइकलसँगै पोज पनि दिइरहेका छन् । सलमानले आफ्नो अवस्थाको बारेमा थाहा पाएर घरमा खाना पनि खुवाएको समीरले बताए ।
