काठमाडौं । नेपाल टी-२० लिग अन्तर्गत आज भएको खेलमा काठमाडौं नाइट्सले विराटनगर सुपर किंग्सलाई पराजित गरेको छ ।
राजधानीको टियु मैदानमा भएको खेलमा काठमाडौंले विराटनगरलाई ३४ रनले पराजित गरेको हो ।
खेलाडी र आयोजक बीच भएको विवादका कारण ढिला सुरु भएको खेल ९ ओभरमा झारिएको थियो । जसमा काठमाडौंले दिएको ९३ रनको लक्ष्य विराटनगरले ८.५ ओभरमा अलआउट हुँदै ५८ रन मात्र बनायो ।
विराटनगरका लागि गौरान्शूं शर्मा २२ रन बनाए भने विवेक यादव १२ रनमा आउट भए । नन्दन यादव ११ रन जोडे भने अन्य खेलाडिले दोहोरो अंकमा रन बनाउन सकेनन् ।
काठमाडौंको लागि कमल सिंह ऐरीले विकेट लिए । सुनाम गौतम र अनिल खरेलले समान २र२ विकेट लिए ।
टस जितेर पहिले ब्याटिङ गरेको काठमाडौंले ९ ओभरमा ५ विकेट गुमाएर ९२ रन बनाएको थियो । काठमाडौंका लागि सन्दिप रजालीले ३२ रन बनाउँदा कमलसिंह ऐरी १४ रन जोडे । कप्तान ज्ञानेन्द्र मल्ल १४ रन बनाए एलेक्स ब्लेकले १३ रन जोडे।
त्यस्तै, विराटनगरका लागि नन्दन यादवले ३विकेट लिए भने हुसेन तलत र कियोन जोसेफले समान १र१ विकेट लिए ।
जितसँगै काठमाडौं ७ खेलमा ४ जित ३ हारसहित ८ अंक बनाएर अंक तालिकाको तेस्रो स्थानमा रहेको छ । हार बेहोरेको विराटनगर भने ७ खेलमा ४ अंक हात पारेर पाँचौ स्थानमा रहेको छ ।
