काठमाडौँ । नेकपा (एकीकृत समाजवादी) को जारी पोलिटब्यूरो बैठकमा सम्मानित नेता झलनाथ खनालले वामपन्थीबीच कार्यगत एकता भए सरकारमा सहभागी हुन सकिने प्रस्ताव गर्नुभएको छ ।
बैठकमा लिखित प्रस्ताव राख्दै उहाँले अहिले नै कसैसँग पार्टी एकता भइहाल्ने अवस्था नभएको बताउनुभएको छ ।
१० पृष्ठको लिखित दस्तावेज प्रस्तुत गर्दै नेता खनालले भन्नुभएको छ, “सबै वामपन्थीहरुका आ‐आफ्ना दृष्टिकोण, विचार नीति र सिद्धान्त छन । तिनीहरुमा भिन्नता पनि निक्कै गहिरा गहिरा छन् । तिनीहरूलाई अहिले मिलाउन र एकरुपता कायम गर्न सकिँदैन । यतिबेला भिन्नताहरुलाई एकातिर राखेर साझा सवालमा कार्यगत एकता गर्नुको कुनै विकल्प छैन ।”
देशको परिवर्तित स्थिति र हाम्रो दृष्टिकोणमा खनालले जनता, राष्ट्र र देशका साझा हितहरूलाई अघि बढाउन सबै वामपन्थीहरुकाबीच कार्यगत एकता आजको आवश्यकता रहेको उल्लेख गर्नुभउको छ ।
पार्टीको शनिबार भएको स्थायी कमिटी बैठकमा मौखिकरुपमा राखेको धारणालाई पोलिटब्यूरो बैठकमा लिखितरुपमा प्रस्तुत गर्नुभएको हो ।
[pdf-embedder url=”https://newspolar.com/wp-content/uploads/2023/01/सम्मानित-नेता-क.झलनाथ-खनालले-पार्टीको-स्थायी-कमिटिमा-राख्नुभएका-बिचार.pdf” title=”सम्मानित नेता, क.झलनाथ खनालले पार्टीको स्थायी कमिटिमा राख्नुभएका बिचार”]
