काठमाडौं । सहिद स्मारक ‘ए’ डिभिजन लिग फुटबल प्रतियोगिता फागुन १९ गतेबाट सुरु हुने भएको छ ।
अखिल नेपाल फुटबल संघ (एन्फा) र ‘ए’ डिभिजन क्लबबीच बिहीबार बसेको बैठकमा फागुन १९ गतेबाट लिग सुरु गर्ने सहमति भएको हो । लिगको मिति तय गर्न एन्फा र ‘ए’ डिभिजनका १४ क्लबहरु बैठकमा बसेका थिए।
यस अघि एन्फाले शीर्ष डिभिजनको लिग पुस २८ गतेबाट गर्ने निर्णय गरेको थियो । तर, क्लबहरुले तयारी खर्च नपाएको भन्दै तोकिएको मितिमा लिग खेल्न अस्विकार गरेका थिए ।
