काठमाडौँ । निवर्तमान प्रधानमन्त्री तथा नेपाली कांग्रेसका सभापति शेरबहादुर देउवाले बिहीबार प्रधानमन्त्री निवास वालुवाटार छाड्ने भएका छन् ।
बुढानिलकण्ठस्थित देउवाको निजि निवास मर्मत भइरहेकोले धुम्बाराईस्थित भाडाको घरमा सर्न लागेको देउवाको सचिवालयले जनाएको छ ।
मर्मतका लागि अझै चार महिना लाग्ने भएकोले नयाँ घर खोजिएको जनाइएको छ ।
देउवा सरकारी निवासबाट नसरेपछि नवनियुक्त प्रधानमन्त्री दाहाल खुमलटारमै बसेका छन् ।
