एजेसी । टेलिभिजन अभिनेत्री तुनिषा शर्माको निधन भएको तीन दिनपछि आज उनको अन्तिम संस्कार गरिने भएको छ ।
उनका परिवारका सदस्य चण्डीगढबाट मुम्बई पुगेका छन् । दिउँसो ३ बजे मिरा रोडस्थित शवदाह स्थलमा उनको दाहसंस्कार गरिन लागिएको हो ।
तुनिषाले २४ डिसेम्बरमा सुटिङको सेटमा झुण्डिएर आत्महत्या गरेकी थिइन् । तुनिषाको आत्महत्याबारे प्रहरीले भने उनले डिप्रेसनको औषधी नखाएको बताएको छ ।
उनले कट्रिना कैफको फिल्म ‘फितूर’मा आफ्नो बाल्यकालको भूमिका निर्वाह गरेकी छिन् । यसबाहेक उनले अलिबाबा दास्ताने काबुलमा राजकुमारी मरियमको भूमिका निभाएकी थिइन् । यसबाहेक उनले बार बार देखो, कहानी–२, दबंग–३ जस्ता चलचित्रमा बाल कलाकारको रुपमा पनि काम गरिसकेकी छिन् ।
२० वर्षीया तुनिषाले टिभी शो भारत का वीर पुत्र-महाराणा प्रतापबाट आफ्नो करियर सुरु गरेकी थिइन् । उनी चक्रवर्तिन अशोक सम्राट, गब्बर पुन्चवाला, शेर–ए–पंजाबः महाराणा रंजित सिंह, इन्टरनेट वाला लभ र इश्क शुभान अल्लाह जस्ता सिरियलहरूमा पनि देखिएकी थिइन् ।
