काठमाडौं । नेकपा माओवादी केन्द्रले उपप्रधानमन्त्रीका लागि नारायणकाजी श्रेष्ठलाई सिफारिस गरेको छ ।
पार्टी कार्यालयमा बसेको पदाधिकारी बैठकले श्रेष्ठलाई उपप्रधानमन्त्री बनाउने प्रस्ताव गठबन्धन बैठकमा लैजाने निर्णय गरेको हो ।
सत्ता गठबन्धनको बैठक अहिले केही बेरमा बस्दै छ । गठबन्धनको बैठकपछि मात्र श्रेष्ठलाई कुन मन्त्रालय दिने भन्ने विषयको टुंगो हुने माओवादीको प्रवक्ता कृष्णबहादुर महराले बताए । बैठकमा नयाँ मन्त्रिमण्डल गठन लगायतका विषयमा छलफल हुनेछ ।
