काठमाडौं । अभिनेता तथा कलाकार दीपकराज गिरी सामाजिक सञ्जालमा निकै सक्रिय रहन्छन् । उनी समसामयिक विषयलाई व्यंग्य गरेर चर्चामा आइरहन्छन् ।
बुधबार भएको नेपाली कांग्रेस संसदीय दलको नेताका लागि भएको चुनाव र यसको नतिजालाई लिएर समेत उनी व्यंग्य गर्न पछि परेनन् ।
उनले लेखेका छन्, ‘सरकार र शक्ति भनेको घाँस हो । परिवर्तन भनेको पराल हो । घाँस खान छोडेर परालतिर जान्छ कोही ?’
संसदीय दलको नेताका लागि प्रधानमन्त्री तथा कांग्रेस सभापति शेरबहादुर देउवा र महामन्त्री गगन थापा प्रतिस्पर्धामा थिए । देउवा ६४ मत ल्याएर विजयी हुँदा थापाले २५ मत प्राप्त गरे ।
