काठमाडौँ । सर्वोच्च अदालतको संवैधानिक इजलासले राष्ट्रिय स्वतन्त्र पार्टीका सभापति रवि लामिछानेलाई प्रतिनिधिसभा सदस्यको शपथ लिन बाटो खोलिदिएको छ ।
नागरिकता विवादमा मुछिएका रवि विरुद्ध परेपछि रिट निवेदक र लामिछाने दुवै पक्षलाई छलफलमा बोलाउन इजलासले आदेश दिएको छ ।
रिट निवेदकले नागरिकता विवादको समाधान नभएसम्म शपथमा रोक लगाउन अन्तरिम आदेश माग गरेका थिए । संवैधानिक इजलासले अन्तरिम आदेश दिन अस्वीकार गरेको छ ।
लामिछानेले अमेरिकी नागरिकता लिएको र पछि उक्त उक्त नागरिकता त्याग गरे पनि नेपाली नागरिकता सक्रिय बनाउन सरकारी कार्यालयमा निवेदन नदिएकाले उनी नेपाली नागरिक नभएको भन्दै अदालतमा रिट दर्ता भएको थियो ।
