एजेन्सी । ट्विटरका प्रमुख एलन मस्कले बुधबार कम्पनीको सीईओ पदबाट राजीनामाको घोषणा गरेका छन् ।
उनले ट्विट गर्दै भनेका छन्– ‘यो पदमा कुनै मूर्ख भेटिएपछि म यस पदबाट राजीनामा दिनेछु । त्यस पछि, म सफ्टवेयर र सर्भर टोलीहरू मात्र व्यवस्थापन गर्नेछु ।’
उनले डिसेम्बर १९ मा प्रयोगकर्तालाई आफ्नो पदमा निरन्तरता दिने कि छाड्ने रु भन्नेबारे राय लिन भनेका थिए ।
पोलमा ५७।५ प्रतिशत प्रयोगकर्ताले ‘हुन्छ’ र ४२.५ प्रतिशतले ‘हुँदैन’ जवाफ दिएका छन् । मतदानमा १।७५ करोड मानिसले भाग लिएका थिए । एक करोड ६२ हजार जनताले मस्कले राजीनामा दिनुपर्ने बताएका थिए ।
उनले यो मतगणनाको नतिजा जे आउँछ, त्यसलाई पालना गर्ने लेखेका छन् । अधिकांशले पद छाड्न आग्रह गरेका थिए ।
एलोन मस्कले अक्टोबरमा ४४ बिलियन डलरमा ट्विटर किनेका थिए । ट्विटरको जिम्मेवारी लिएपछि एलोन मस्क कम्पनीमा ठूलो परिवर्तन गर्न व्यस्त छन् । केही दिनअघि पहिलो चरणमा करिब ३ हजार ७ सय कर्मचारीलाई उनीहरुले निकालेका थिए ।
