काठमाडौँ । नेपाली काँग्रेसका नेता भीष्म आङ्दम्बेले नेपाली काँग्रेसको संसदीय दलको नेताका लागि दुई नेताहरुको उम्मेदवारी परेको बताउनुभएको छ ।
काँग्रेस निर्वाचन कार्यालयले दिएको समयभित्र पार्टी सभापति शेरबहादुर देउवा र पार्टी महामन्त्री गगनकुमार थापाले संसदीय दलको नेताका लागि उम्मेदवारी दिनुभएको बताउनुभएको हो । उहाँले दाबीबिरोधपछि आज ५ः४५ बजे नै अन्तिम नामावली प्रकाशन गर्ने बताउनु भयो ।
उहाँले भन्नुभयो, ‘दुई जनाको उम्मेदवारी परेको छ, पार्टी सभापति शेरबहादुर देउवा र पार्टी महामन्त्री गगनकुमार थापा हुनुहुन्छ । हामी अन्तिम नामावली ५ः४५ बजे प्रकाशित गर्नेछौँ । भोलि बिहान ८ देखि १० बजेसम्म मतदान हुन्छ ।’
संसदीय दलको मतदान बुधवार बिहान ८ देखि १० बजेसम्म हुनेछ ।
