एजेन्सी । फिफा विश्वकप २०२२ सम्पन्न भएको छ । अर्जेन्टिनाका कप्तान लियोनल मेसीले विश्वकपमा च्याम्पियन बन्ने कीर्तिमान हासिल गरे । फ्रान्सविरुद्धको फाइनल खेलमा दुई गोल गरे र अन्तिममा पेनाल्टी सुटआउटमा निर्णायक गोल गर्दै उनले टोलीलाई जित दिलाए ।
समग्रमा विश्वकपमा मेसीको प्रदर्शन उत्कृष्ट रह्यो जसले उनलाई ‘गोल्डेन बल’ पनि दिलायो । अर्जेन्टिना र दक्षिण अमेरिकी देशबाहेक भारतमा पनि मेसीका फ्यानले अर्जेन्टिनालाई च्याम्पियन बनाएकोमा खुशी मनाए ।
मेसीका फ्यानले अर्जेन्टिना र मेसीको तस्बिर सामाजिक सञ्जालमा शेयर गरेर खुशी व्यक्त गरे । यसैबीच, भारतीय कांग्रेस सांसद अब्दुल खालिक अर्जेन्टिनाको जितमा यति खुसी भएका छन् कि उनले मेसी भारतीय मूलको भएको बताए । यस विषयमा हंगामा मच्चिएपछि उनले आफ्नो ट्वीट डिलिट गर्नुपरेको थियो । अहिले सामाजिक सञ्जालमा उनको खिल्ली उडाइएको छ ।
आसमको बारपेटा लोकसभा सीटका कांग्रेस सांसद अब्दुल खालिकले अर्जेन्टिनाको जितपछि मेसीको विश्वकप ट्रफीसहितको तस्बिर ट्विटरमा सेयर गरेका छन् ।
यससँगै उनले लेखेका छन्, ‘हृदयदेखि नै बधाई छ । आसामसँगको सम्बन्धको लागि हामी तपाईंलाई गर्व गर्छौं।’ यसपछि एक प्रयोगकर्ताले सांसदलाई मेसीको आसामसँगको सम्बन्धबारे प्रश्न गरे । त्यसपछि उनले मेसीको जन्म आसाममा भएको बताए । यसपछि उनी सामाजिक सञ्जालमा ट्रोल हुन थाले र अन्त्यमा उनले आफ्नो ट्वीट डिलिट गर्नुपर्यो ।
