काठमाडौंं । संसदीय दलको नेतृत्वका लागि पार्टी केन्द्रीय सभापति शेरबहादुर देउवा र महामन्त्री गगन थापाले उम्मेदवारी दिनुभएको छ ।
पार्टी सभापति देउवाको प्रस्तावकमा वरिष्ठ नेता रामचन्द्र पौडेल र समर्थकमा उपसभापति पूर्णबहादुर खड्का रहनुभएको छ ।
त्यस्तै पार्टी महामन्त्री थापाका लागि उपसभापति धनराज गुरुङ, महामन्त्री विश्वप्रकाश शर्मा र युवा नेता प्रदीप पौडेल समर्थक बन्नुभएको छ ।
सभापति देउवाका लागि प्रस्तावक र समर्थक दुवै वृद्धावस्थाका हुनुहुन्छ भने थापाको समर्थकमा तीनै जना युवा नेता हुनुहुन्छ ।
अझ अनौठो संयोग त के छ भने महामन्त्री थापाको समर्थकमा तीन जना नेविसंघका पूर्वअध्यक्ष हुनुहुन्छ । गुरुङ, शर्मा र पौडेल तीनै जनाले नेविसंघको नेतृत्व सम्हालिसक्नुभएको छ ।
