काठमाडौँ । नेपाली कांग्रेसका सभापति शेरबहादुर देउवा संसदीय दलको नेतामा उम्मेदवारी दिँदै हुनुहुन्छ । उहाँको उम्मेदवारीमा वरिष्ठ नेता रामचन्द्र पौडेल समर्थक रहनुभएको छ ।
उम्मेदवारीका लागि देउवा सिंहदरबारस्थित संसदीय दलको कार्यालयमा पुग्नुभएको छ ।
वरिष्ठ नेता पौडेल आफैं संसदीय दलको नेताका आकांक्षी रहेपनि देउवाले नछाडेपछि उहाँ समर्थक बस्नुभएको हो ।
यता, शेखर कोइराला समूहले भने महामन्त्री गगनकुमार थापालाई दलको नेताको उम्मेदवार बनाउने भएको छ ।
