काठमाडौँ । नेपालमा कोभिड–१९ संक्रमण देखिएको झण्डै तीन वर्षपछि आज आइतबार कुनै पनि नयाँ संक्रमित थपिएका छैनन् ।
स्वास्थ्य तथा जनसंख्या मन्त्रालयका अनुसार आइतबार १९९ वटा नमुना परीक्षण गर्दा नयाँ संक्रमितको संख्या शून्य रहेको हो । आज २ जना संक्रमणमुक्त भएको मन्त्रालयले जनाएको छ ।
मन्त्रालयका अनुसार हाल देशभर जम्मा ११ जना कोभिडका सक्रिय संक्रमित रहेका छन् । नेपालमा २०७६ माघको पहिलो साता पहिलो पटक कोरोना भाइरसको संक्रमित भेटिएका थिए ।
हालसम्म नेपालमा ९९ प्रतिशत जनसंख्याले कोभिडविरुद्ध खोप लगाइसकेको मन्त्रालयले जनाएको छ ।
