काठमाडौं । निर्वाचन आयोगका पदाधिकारी जसपाका निलम्बित सांसद रेशम चौधरीको सनाखतका लागि डिल्लीबजार कारागारमा नै पुग्ने भएका छन् । पूर्व राजपाबाट निर्वाचित भएका निलम्बित सांसद चौधरीको सनाखतका लागि आयोगका पदाधिकारी सोमवार कारागार जान लागेका हुन् ।
चौधरीले जसपाका महन्थ ठाकुर, उपेन्द्र पक्षमा वा तटस्थ बस्न सक्नेमध्ये कुनै एक विकल्प जेलभित्रैबाट लिन सक्ने बताइएको छ ।
यसअघि चौधरी ठाकुर नेतृत्वको राजपामा कार्यकारिणी सदस्य रहेका थिए । उनी कता लाग्छन् भन्ने टुंगो लागेको भने छैन ।
