काठमाडौं । नेकपा (माओवादी केन्द्र)का अध्यक्ष एवं पुष्पकमल दाहाल ‘प्रचण्ड’ ले आउँदो निर्वाचन कास्कीबाट लड्ने संकेत गरेका छन् ।
बुधबार आफ्नो जन्मथलो कास्कीको अन्नपूर्ण गाउँपालिका–१ स्थित श्री महेन्द्र आधारभूत विद्यालयको हीरक जयन्ती महोत्सव कार्यक्रमलाई सम्बोधन गर्दै प्रचण्डले आउँदो निर्वाचन कास्कीबाट लड्न सक्ने बताएका हुन् ।
आफू अहिलेसम्मका निर्वाचनमा फरक–फरक क्षेत्रबाट चुनाव लडेको भन्दै अर्को पटक कास्कीबाट लड्न पनि सक्ने प्रचण्डको भनाई थियो ।
उनले भने, ‘मैले पहिलोपटक काठमाडौं र रोल्पाबाट निर्वाचन लडेँ । दोस्रोपटक मधेशबाट लडेँ । त्ययसपछि चितवनबाट लडेँ । अहिले गोरखाबाट चुनाव जितेर आएको छु । समय भनेजस्तो भयो भने अर्को पटक कास्कीबाट पनि चुनाव लड्न सक्छु ।’
