काठमाडौँ । नेपाली कांग्रेसका वरिष्ठ नेता रामचन्द्र पौडेलले पार्टी संसदीय दलको नेतामा आफ्नो नाम प्रस्ताव गर्न पार्टी सभापति एवं प्रधानमन्त्री शेरबहादुर देउवासमक्ष आग्रह गर्नुभएको छ ।
प्रधानमन्त्री निवास बालुवाटारमा भएको भेटमा बुधबार नेता पौडेलले पार्टी संसदीय दलको नेतामा आफ्नो नाम प्रस्ताव गरिदिन आग्रह गर्नुभएको हो ।
पार्टी र देशकै परिस्थिति अहिले अनुकूल नभएको र पार्टी महाधिवेशनमा समेत आफूले पूर्ण साथ दिएको भन्दै पौडेलले संसदीय दलको नेतामा आफ्नो नाम प्रस्ताव गर्न अनुरोध गर्नुभयो ।
भेटमा उहाँले पार्टीमा पनि आफूले सभापति देउवाजत्तिकै योगदान गरेकाले पार्टी संसदीय दलको नेता भएको अवस्थामा पार्टीपङ्क्ति र सबैमा राम्रो सन्देश जाने बताउनुभएको थियो ।
सभापति देउवाले निर्वाचनको अन्तिम परिणाम आइनसकेको भन्दै संसदीय दलको नेतामा छलफल गरेर अगाडि बढ्न सकिने बताउनुभएको थियो ।
