काठमाडौं । निर्वाचन आयोगले समानुपातिक सांसदको नाममा भएको त्रुटि सच्याउन नेकपा एमालेलाई पुनः पत्राचार गरेको छ ।
समावेशी र प्राथमिकताक्रम मिचेर नाम छनोट गर्न नमिल्ने भन्दै आयोगले मंगलबार पुनः एमालेलाई साँझ ५ बजेभित्र सच्याउन पत्राचार गरेको हो ।
प्रदेश नम्बर एक र मधेस प्रदेशमा समावेशी र प्राथमिकता क्रम नमिलेको भन्दै आयोगले एमालेलाई सोमबार ४ बजेसम्ममा सच्याउन समय दिएको थियो । तर, एमालेले पुरानै सूचीलाई कायम गर्न अयोगलाई पत्राचार गरेको थियो ।
एमालेले उम्मेदवारको नामावली नेपालको संविधान, प्रचलित कानुन तथा समानुपातिकतर्फको उम्मेदवारको बन्दसूचीको प्राथमकिता क्रम अनुसार रहेकाले उक्त पेस गरेको नामावली यथावत कायम गरिदिन आयोगलाई जवाफ पठाएको थियो ।
