साविक विजेता फ्रान्सले कतारमा जारी विश्वकप फुटबलमा इङ्ल्यान्डलाई २–१ गोल अन्तरले पराजित गर्दै पाखा लगाएको छ ।
१७औँ मिनेटमा डिबक्स बाहिरबाट ओरेलियन चौमेनीले प्रहार गरेको गोलले इङ्ल्यान्डका गोलकिपर जोर्डन पिकफोर्डलाई बिट गर्दै फ्रान्सले अग्रता लिएको थियो ।
दोस्रो हाफको शुरुवातसम्म दुवै पक्षबीचको खेल तुलनात्मक रुपमा समान रह्यो । जब इङ्ल्यान्डका फरवार्ड बुकायो साकालाई फ्रान्सेली बक्समा लडाइयो, ५४ औँ मिनेटमा कप्तान ह्यारी केनले पाएको पेनाल्टीमा गोल गर्दै खेल बराबरीमा ल्याएका थिए ।
त्यसपछि दुवै पक्षले अग्रता पुनः प्राप्त गर्न कडा संघर्ष गरे । इङ्गल्याण्डको सेन्टर–ब्याक ह्यारी म्यागुइरको बार–किसिङ हेडर सहित धेरै गोल मिस भए ।
तर फ्रान्सका कीर्तिमानी गोलकर्ता ओलिभर जिराउडले ७८ औँ मिनेटमा हेडरमार्फत निर्णायक गोल गर्दै फ्रान्सलाई अग्रता दिलाएका थिए ।
इङ्ल्यान्डले दोस्रो पेनाल्टी पाउँदा केनले केही समयमै बराबरी गर्ने मौका पाएका थिए तर ८४ औँ मिनेटमा बल बारको माथिबाट निकाले ।
पेनाल्टी क्षेत्रबाहिर धेरै अन्य अवसरहरू देखिए । अन्तिम मिनेटको फ्रिकिकको बावजुद मार्कस रासफोर्ड गोलमा रूपान्तरण गर्न असमर्थ हुँदा फ्रान्सले बुधबार मोरक्कोसँग खेल्ने गरी इङ्ल्यान्डलाई खाली हात घर पठायो।
तस्बिर सौजन्य : अलजजिरा
