काठमाडौं । नेकपा माओवादी केन्द्रका नेता रामप्रसाद सापकोटा ‘दीपशिखा’ कतारमा जारी बिश्वकप फुटबल प्रतियोगित हेर्न गएपछि पार्टीकै केही नेता तथा कार्यकर्ताले आलोचना गरे ।
आलोचना पछि सापकोटाले आफ्नो फेसबुकमा लेख्नुभयो – एकदिन गयल नभईकन २६ वर्ष पार्टीमा गरेको योगदानको एक रत्तिपनि ख्याल नराखी साथीले दिएको टिकटमा फुटबल हेर्दा फटाहा, लुटाहा पुँजिवादी सबै भईयो ।
उहाँले लेख्नुभएको छ -न कसैलाई धम्क्याएको छ, न घुर्क्याएको छ, खास मैले धम्क्याएको कसलाई हो ? मेरा बारेमा सार्वजनिक टिप्पणी गरेपछि प्रस्टिकरण दिनु र चरित्रहत्याको कानुनी उपचार खोज्छु भन्दा धम्कि हुन्छ भन्ने मलाई ज्ञान भएन ।
सापकोटाले लेख्नुभएको छ- दुनियासंग कुनै गुनासो छैन, मेरा प्रिय माओवादी कमरेडहरू यस्तो यदुवंशिय शैलिले क्रान्ति बन्ने भए म अज्ञानि हॅु ! माफ पाम !
