काठमाडौं । क्यान्सर पीडित ब्राजिलका लेजेन्ड फुटबल खेलाडी पेले बुधबार अस्पताल भर्ना भएका छन् ।
ब्राजिलका सर्वाधिक गोलकर्ता ८२ वर्षीय पेले साओ पाउलोको अल्बर्ट आइन्टाइन अस्पतालमा भर्ना भएका हुन् ।
पेलेका छोरी केली नासिमेन्टोले उनको स्वास्थ्य अवस्था सामान्य रहेको बताएकी छन् । उनले इन्स्टाग्राममा लेखेकी छन्, “त्यहाँ कुनै आपतकालीन वा नयाँ भयानक अवस्था छैन । म नयाँ वर्षको लागि त्यहाँ हुनेछु र केही तस्बिरहरू पोस्ट गर्ने वाचा गर्दछु ।’
पेलेको २०२१ को सेप्टेम्बरमा ट्युमरको शल्यक्रिया गरिएको थियो । त्यसपछि उनी नियमित रूपमा उपचारका लागि अस्पताल भर्ना भइरहेका छन् ।
पेले ब्राजिलका सर्वाधिक गोलकर्ता हुन् । उनले ९२ खेलमा ७७ गोल गरेका छन् । साथै, उनी चारवटा विश्वकपमा गोल गर्ने चार खेलाडी मध्येका एक हुन् ।
