काठमाडौं । थापाथलीका सुकुम्बासीहरुले काठमाडौं महानगरपालिकाको कार्यालयमा प्रदर्शन गरेका छन् ।
सुकुम्बासीको उचित व्यवस्थापनको मागसहित ‘बालेन शाह राजिनामा दे’ भन्दै उनीहरुले महानगरको कार्यालयमा प्रदर्शन गरेका हुन् ।
प्रदर्शनकारीहरुले ‘डोजर आतंक बन्द गर’ , ‘उचित विकल्पसहित ब्यवस्थापन गर’ जस्ता नारा लगाएका छन् । बागमति सभ्यता एकीकृत विकास समितिले पटक पटक बागमति किनार छेउका सुकुम्बासी बस्ती खाली गर्न सूचना जारी गरेको थियो । तर, उनीहरुले अटेर गरेपपछि महानगरले समितिको समन्वयमा हिजो डोजर लिएर बस्ती खाली गराउन पुगेको थियो ।
महानगरले सुकुम्वासी बस्तीमा डोजर चलाएपछि दुई पक्षबीच झडप हुँदा त्यहाको अवस्था तनावग्रस्त बनेको थियो ।
