काठमाडौं । प्रवासी नेपाली एकता समाजले राष्ट्रिय प्रजातन्त्र पार्टीको नीति, विचार र सिद्धान्तप्रति प्रतिबद्ध रहदै मूल प्रवाहमै रहने निर्णय गरेको छ । समाजका अध्यक्ष प्रेम कुमार श्रेष्ठले बैठकपछि जारी गरेको विज्ञप्तिमा विज्ञप्तिमा पार्टीभित्र सामान्य असहमति देखिनासाथ टुटफुट, विभाजनमा गइहाल्ने प्रवृत्तिलाई निरुत्साहित गरिनुपर्ने भन्दै आफूहरु पार्टीको मूलधारमा रहने प्रतिवद्धता जनाईएको छ ।
समाजले राजसंस्था र हिन्दु राष्ट्रको पुनःस्थापना लगायतका राष्ट्रिय प्रजातन्त्र पार्टीको नीति, विचार र सिद्धान्तप्रति प्रतिबद्ध रहेको पनि जनाएको छ । बैठकले राष्ट्रिय प्रजातन्त्र पार्टी (राप्रपा)ले उचाइ हासिल गर्दै गएको, पार्टीको एजेन्डा लोकप्रिय बन्दै गएको र राप्रपाप्रति आम जनताको आकर्षण बढिरहेको समयमा अलमल र द्विविधामा नपर्न प्रवास आइसिसी स्वदेश तथा विदेशमा रहेका पार्टीका सबै तहका साथीहरूलाई अनुरोधसमेत गरेको छ।
