काठमाडौँ । नेकपा (माओवादी केन्द्र) का उपाध्यक्ष नारायणकाजी श्रेष्ठले निर्वाचन प्राप्त भइरहेका निर्वाचन परिणामले निश्चित सन्देशहरु दिएको बताउनुभएको छ ।
अघिल्लो निर्वाचन अर्थात २०७४ को प्रतिनिधिसभा निर्वाचनको प्रत्यक्षतर्फ ३६ सिट जितेको माओवादी केन्द्रले अहिलेको ताजा रुझान हेर्दा १७ सिट जित्ने अपेक्षा गरिएको छ । समानुपातिकतर्फ पनि उसको धेरै मत आउने अवस्था देखिएको छैन ।
यसले माओवादी केन्द्रको जनाधार ह्वात्तै घटेको देखिएको छ । हालै आइरहेका निर्वाचनका परिणामलाई लिएर उपाध्यक्ष श्रेष्ठले पार्टीले यसबारेमा समग्र विश्लेषण र संश्लेषण गर्नुपर्ने बताउनुभएको छ ।
माओवादीको अवस्था कसरी यस्तो भयो भन्नेबारेमा धेरै घोत्लिनुपर्ने स्थिति नरहेको उहाँले उल्लेख गर्नुभएको छ । उहाँका अनुसार निष्कर्ष सहज बोधगम्य ९बुझ्न सकिने० नै छ ।
उहाँले अब पार्टीले बुद्ध शिक्षाका महत्वपूर्ण शिक्षाको एक अंशलाई उद्धृत गर्दै भन्नुभएको छ, “यसलाई मनन गरौँ, सबै आँधिबेरीहरु तपाईंको जीवन ध्वंश गर्न मात्र आउँदैनन्, कुनै तपाईंको बाटो सफा गर्न पनि आउँछन् ।”
