काठमाडौं । आज बस्ने भनिएको नेकपा माओवादी केन्द्रको स्थायी कमिटी बैठक स्थगित भएको छ । बैठक आज दिउँसो पार्टी कार्यालय पेरिसडाँडामा तीन बजे बस्न लागेको थियो । तर अध्यक्ष पुष्पकमल दाहाल प्रचण्डको कार्यव्यस्तताले आज बैठक नबस्ने भएको हो । आजको बैठक मन्त्री छनोटका विषयमा केन्द्रित हुने बताईएको थियो ।
प्रधानमन्त्री देउवाले काँग्रेसबाट बालकृष्ण खाणलाई गृह र ज्ञानेन्द्रबहादुर कार्कीलाई कानुनमन्त्री बनाएका छन् भने माओवादीबाट जनार्दन शर्मालाई अर्थ र पम्फा भुसाललाई उर्जा मन्त्री बनाए पनि मन्त्रिपरिषदलाई अझै पूर्णता भने दिन सकेका छैनन् ।
यस्तै साउन १० गते काँग्रेसबाट उमेश श्रेष्ठलाई स्वास्थ्य राज्यमन्त्री बनाएका छन् ।
