काठमाडौं । नेकपा (एमाले) का अध्यक्ष केपी शर्मा ओली तथा वरिष्ठ नेता माधवकुमार नेपालबीच आज भेटवार्ता हुने भएको छ । दुई नेताबीच भेटवार्ता हुने तयारी भएको भए पनि समय र स्थानबारे टुङ्गो लागिनसकेको नेता नेपाल निकट एक नेताले जानकारी दिनुभयो ।
अध्यक्ष ओलीसंग सम्बाद नै गर्न नचाहानु भएका नेता नेपाललाई आफूह पक्षीय नेताहरुले छलफल गर्न दवाब दिएसंगै कर्णालीका चार सांसद पदमुक्त भएपछि केही नरम बन्नु भएको ती नेताले जानकारी दिनुभयो ।
लगभग नयाँ पार्टी गठनको प्रक्रियामा पुग्नु भएका नेपाल केही दिन यता भने सम्मानजनक एकता हुनुपर्ने बताउँदै आउन थाल्नु भएको छ। यस अघि अन्तरकलह व्यबस्थापन गर्न क्रियाशिल कार्यदलका सदस्यहरुले समेत नेता नेपाललाई अध्यक्ष ओली संग सम्बाद गर्न निकास खोज्न आग्रह गरेका थिए ।
सोमबार मात्र नेपाल पक्षीय नेताहरुको छलफलमा पनि एकताका लागि पहल गर्ने भन्दै नेताहरुले दिने अभिब्यक्ति पनि सन्तुलित बनाउनु पर्ने कुर उठेको थियो ।
