काठमाडौं । निर्वाचन आयोगले राजीव गुरुङ (दीपक मनाङे) लाई २५ हजार जरिवाना तिराउने भएको छ ।
मनोनयन दर्ताको समयमा मनाङेले चुनावमा जाँदा १५ लाखले रक्सी पनि खुवाउन पुग्दैन भनेर अभिव्यक्ति दिएका थिए । यस्तो अभिव्यक्ति दिएपछि उनलाई आयोगले जरिवाना तिराउने निर्णय गरेको हो ।
आयोगले मनाङेलाई सोहि विषयमा कात्तिक १४ गते स्पष्टीकरण सोधेको थियो ।
मनाङे मनाङ प्रदेश सभा ‘ख’ बाट निर्विरोध निर्वाचित भइसकेका छन् । यद्यपि निर्वाचन आयोगले आधिकारिक घोषणा गर्न भने बाँकी रहेको छ ।
