काठमाडौं । प्रमुख प्रतिपक्ष दल नेकपा (एमाले)ले दार्चुलामा भारतीय सीमा सुरक्षा बलले तुइन काट्दा एक नेपाली बेपत्ता भएको प्रकरणमा भारतसमक्ष औपचारिक विरोध जनाउन सरकारको ध्यानाकर्षण गराएको छ ।
दार्चुलाबाट निर्वाचित सांसद तथा पूर्वमन्त्री गणेशसिंह ठगुन्नाले मंगलबार प्रतिनिधिसभा बैठकको शून्य समयमा बोल्दै तुइन प्रकरणबारे सरकारले भारतसामू विरोध जनाउनुपर्ने बताउनुभएको हो ।
एमाले संसदीय दलको तर्फबाट बोल्नुभएको ठगुन्नाले दार्चुला घटनाको छानविनका लागि संसदीय समिति गठन गर्न र पीडित परिवारलाई क्षतिपूर्ति दिन माग गर्नुभयो ।
