काठमाडौं । यु-१५ महिला साफ च्याम्पियनसिपमा आज नेपाल र बंगलादेशबीच प्रतिस्पर्धा हुँदैछ ।
बंगलादेशको ढाकास्थित बिएसएसएस मुस्तफा कमल मैदानमा नेपालले घरेलु टोली बंगलादेशसँग अन्तिम खेल खेल्दैछ । खेल नेपाली समय अनुसार सवा चार बजे सुरु हुनेछ ।
अन्तिम खेलमा दिपा रोकायको कप्तानीमा रहेको नेपालले बंगलादेशसँग खेल्दा उपाधि जित्ने लक्ष्य राखेको छ । बंगलादेशलाई हराएर वा बराबरी गरे मात्र पनि नेपालले उपाधि जित्नेछ । बंगलादेशले जित निकालेमा भने नेपाल उपविजेता हुनेछ ।
साफ च्याम्पियनसिपको शीर्षस्थानमा रहने टोली सिधै च्याम्पियन हुनेछ । सुरुवाती तीनै खेल जितेको नेपाल तालिकामा नौं अंक सहित शीर्षस्थानमा रहेको छ । तीन खेलबाट ६ अंक जोड्दै बंगलादेश दोस्रो स्थानमा छ । भुटान भने तालिकाको अन्तिममा रहेको छ ।
