काठमाडौँ । । नेकपा एमालेका अध्यक्ष केपी शर्मा ओली चुनावी प्रचारका लागि गृहजिल्ला झापा जादैँछन् । ओली मंगलबार दिउँसो १ बजे झापा जान लागेका हुन् ।
ओली आज दिनभर आफ्नो निर्वाचन क्षेत्रमा हुने कार्यक्रममा सहभागी हुने छन् । ओलीको २ बजे बिर्तामोड सालबारीमा हुने क्षेत्रस्तरीय आमसभालाई सम्बोधन गर्ने कार्यक्रम रहेको छ ।
यस्तै बुधबार १२ बजे दमकको रोयल पार्टी प्यालेसमा कांग्रेसका जिल्लास्तरीय नेताहरू, जसपाका केन्द्र र प्रदेशस्तरीय साथै माओवादीबाट नगरका नेता/कार्यकर्ता एमालेमा प्रवेश गर्नेहरूलाई स्वागत गर्ने कार्यक्रम रहेको छ ।
बुधबार अध्यक्ष ओलीले दमक फन पार्कमा ‘केपी बा विथ फष्ट भोटर्स’ नामक कार्यक्रममा मंसिर ४ का पहिलो मतदाता तथा शुभेच्छुकसँग ४ घण्टा बिताउने छन् । सो कार्यक्रममा ओली सहभागीहरूसँग तस्बिर खिच्ने र सांगितिक कार्यक्रममा सहभागी हुनेछन् ।
