आयोवा । अमेरिकाको आयोवामा बसोबास गरेका नेपालीले आफ्नो परम्परा र संस्कृतिको जगेर्ना गर्दै वडादसैँ तिहार तथा छठको अबसरमा बिभिन्न कार्यक्रम आयोजना गरेका छन् ।
गत साता आयोवाराज्यको युनिभर्सिटी अफ आयोवामा रहेको नेपाली विद्यार्थी हरु को संस्था नेपाली विद्यार्थी संघ आयोवाले आयोजना गरेको दशैं तिहार छठ कार्यक्रममा त्यस क्षेत्रमा बसोबास गरिहेका नेपाली बिद्यार्थी ,बिभिन्न पेशा तथा व्यवसाय गरिहेका नेपाली सहित बिदेशी बिद्यार्थीहरुको समेत सहभागीता रहेको थियो ।
युनिभर्सिटी अफ आयोवा कलेजमा हस्पिटल साइडमा कार्यरत बरिष्ठ कम्प्युटर ईन्जिनियर राजेन्द्र सेढाईले करिव १३० जना भन्दा बढी व्यक्ति सहभागी भएका कार्यक्रमले नेपाली समुदायलाई एकै ठाउमा जुटाउने अबसर दिएको बताउनु भयो ।
अमेरिकी जीवनशैलीमा व्यस्त भएर आफ्नो जीवनयापन चलाइरहेका नेपालीलाई यस्ता चाडवर्वले आपसी भाइचारा र सम्बन्धमा विस्तार भएको र कुनै महत्वपूर्ण अवसर या कसैलाई गाह्रो सारो पर्दा पनि एकजुट हुन सजिलो भएको भएको आयोवामा बस्दै आउनु भएका ध्रुब अर्यालले बताउनु भयो ।
कोरोना महामारीपछि आफ्ना नजिकका आफन्तजनसँग कुराकानी, भेटघाट गर्न कठिन भएो तर यस्ता पर्वले एक राज्यबाट अर्को राज्यसम्म यात्रा गर्ने गरेका पनि उहाँले बताउनु भयो। कोरोना महामारीका कारणले आक्रान्त बनेको अमेरिकामा बस्दै आएका नेपालीमा विगतको तुलनामा आपसी सहकार्य र सम्बन्ध पनि वृद्धि हुँदै गएको छ ।
सय वर्षपछि ठप्प भएको अमेरिकी जनजीवनलाई नजिकबाट भोग्न पाएका आप्रवासी नेपालीलाई आफ्नो चाडबाड र आफन्तको खोजीमा चासो हुन थालेको देखिन्छ ।काममा सधै व्यस्त रहनुपर्ने भएकाले एकअर्कासँग भेटघाट गर्न र परिवारसँग समय बिताउन चाडबाडले महत्वपूर्ण सेतुको काम गरेको छ ।
यस्ता कार्यmत्रमले नेपाली भाषा, संस्कृतिको जगेर्नाका लागि दोस्रो पुस्तालाई जानकारी गराउन पनि महत्वपूर्ण भूमिका रहेको छ । अनेकतामा एकता सांस्कृतिक पर्वको विशेषता भने झैँ अमेरिकामा पनि यस्ता पर्वले विस्तारै नेपाली आप्रवासीको महत्वपूर्ण पर्वका रुपमा मान्यता पाउँदै गएको देखिन्छ ।
