काठमाडौं । आज बलिउड सुपरस्टार शाहरुखको खान ५७ औं जन्मदिन । आफ्ना प्रिय अभिनेता शाहरुखलाई जन्मदिनको शुभकामना दिन उनको मुम्बईस्थित निवास मन्नत बाहिर फ्यानको घुइँचो लागेको छ ।
नेपालमा पनि शाहरुख खानका फ्यान फलोवोर्स राम्रो रहेको छ । किङ्ग खानका केहि नेपाली फ्यान उनलाई जन्मदिनको शुभकामना दिन मन्नत पुगेका छन् ।
कोरोनाको कारण चार वर्षसम्म जन्मदिन भव्य तरिकाले मनाउन नपाएका शाहरुखले भने यसपटक जन्मदिनलाई भव्य बनाउँदैछन् । जन्मदिनको अवसर पारेर यशराज फिल्म्सले शाहरुखको नयाँ फिल्म ‘पठान’को टिजर सार्बजनिक गरेको छ । सोहि अवसरमा फ्यानहरुले ‘पठान’को टिजरलाई ट्रेन्डिङ बनाइरहेका छन् ।
पठान, जवान र डंकी गरी अंग्र्रेजी नयाँ वर्ष २०२३ मा उनका तीन नयाँ फिल्म रिलिज हुँदैछन् ।
दीपिका पादुकोण र जोन अब्राहमको समेत मुख्य भूमिका रहेको पठान शाहरुखको प्रतीक्षित फिल्ममध्ये एक हो ।
पठानबाहेक शाहरुखका एटलीको फिल्म ‘जवान’ र राजकुमार हिरानीको सोसल ड्रामा ‘डंकी’ रिलिज हुँदैछन् ।
