एजेन्सी । च्याम्पियन्स लिग फुटबलमा स्पेनिस क्लब एट्लेटिको मड्रिड आफ्नो समूहको अन्तिम स्थानमा रहँदै बाहिरिएको छ ।
गएराति समूह चरणको अन्तिम खेलमा पोर्चुगीज क्लब एफसी पोर्टोसँग २–१ ले पराजित हुँदै छनोट चरणबाटै बाहिरिएको हो ।
एट्लेटिको च्याम्पियन्स लिग इतिहासमा पहिलोपटक समूहको अन्तिम स्थानमा रहँदै बाहिरिन पुग्यो । योसँगै उसले यो सिरिजनको युरोपा लिग पनि खेल्न नपाउने भएको छ ।
घरेलु मैदान स्टेडियो डो ड्रगाओमा खेलको पाँचौं मिनेटमै मेहदी तारेमीको गोलबाट पोर्टोले अग्रता लिएको थियो । २४ औं मिनेटमा स्टेफेन एस्ताकियोले गोल गर्दै घरेलु टोलीको अग्रता दोब्बर पारे ।
थप गरिएको समयमा इभान मार्कानोले आत्मघाती गोल गरेपछि खेल २–१ को अवस्थामा सकियो । यो जितसँगै ६ खेलमा १२ अंक जोडेको पोर्टोले समूह ‘बी’ को विजेता बन्दै अन्तिम १६ मा स्थान बनायो ।
