एजेन्सी । टी–२० विश्वकप अन्तर्गत आयरल्याण्ड र अष्ट्रेलियाबीचको खेल जारी छ ।
ब्रिसबेनमा आयरल्याण्डका कप्तान एन्ड्रयु बालबर्नीले टस जितेर पहिले फिल्डिङ रोजेपछि पहिले ब्याटिङमा उत्रिएको आयोजक अष्ट्रेलियाले आयरल्याण्डविरुद्ध १८० रनको विजयी लक्ष्य प्रस्तुत गरेको छ ।
अष्ट्रेलियाले २० ओभरमा ५ विकेटको क्षतिमा १७९ रन जोड्यो । अष्ट्रेलियाका लागि कप्तान आरोन फिन्चले ४४ बलमा ६३ रनको योगदान दिए । उनले ५ चौका र ३ छक्का प्रहार गरे ।
यस्तै, मार्कुस स्टोइनीसले २५ बलमा ३५ रन, मिचेल मार्शले २२ बलमा २८ रनको योगदानी दिए । आयरल्याण्डका ब्यारी एमसीक्यार्थीले ३ तथा जोसुआ लिटलले २ विकेट लिए ।
