एजेन्सी । स्पेनिस ला लिगा अन्तर्गत बार्सिलोनाले सानदार जित निकालेको छ । घरेलु मैदान क्याम्प नोउमा गएराति भएको खेलमा बार्सिलोनाले एथलेटिको बिल्वाओलाई ४–० गोलले पराजित गरेको हो ।
बार्सिलोनालाई जित दिलाउन औसमाने डेम्बेले, सर्जी रोबर्टो, रोबर्ट लेवान्डोस्की र फेरान टोरेसले गोल गरे ।
खेलको १२औं मिनेटमा डेम्बेलेको गोलबाट बार्सिलोनाले अग्रता लिएको थियो । उनले लेवान्डोस्कीको पासमा गोल गरे । १८औं मिनेटमा सजी रोबर्टोले डेम्बेलेको पासमा गोल गर्दै बार्सिलोनाको अग्रता दोब्बर पारे ।
२२औं मिनेटमा डेम्बेलेको पासमा लेवान्डोस्कीले गोल गर्दै बार्सिलोनालाई ३–० ले अघि बढाए ।
त्यसपछि ७३औं मिनेटमा सब्सीच्युट खेलाडी फेरान टोरेसले गोल गर्दै बार्सिलोनालाई सानदार जित दिलाए । ६३औं मिनेटमा पेड्रीको स्थानमा मैदान छिरेका टोरेसले डेम्बेलेको पासमा गोल गरे ।
जितसँगै दोस्रो स्थानमा रहेको बार्सिलोनाको ११ खेलबाट २८ अंक छ । समान खेलबाट ३१ अंक रहेको रियल मड्रिड शीर्षस्थानमा छ । पराजित विल्वाओ १८ अंकसहित छैटौं स्थानमा छ ।
