एजेन्सी । आइसिसी टि२० विश्वकपमा ब्याट्सम्यान विराट कोहलीको सानदार ब्याटिङमा भारतले पाकिस्तानमाथि चार विकेटको नाटकीय जित हात पारेको छ ।
जितको लागि १ सय ६० रनको प्रतिस्पर्धात्मक विजयी लक्ष्य पछ्याएको भारतले निर्धारित २० ओभरमा ६ विकेट गुमाउँदै पूरा गर्यो ।
भारतको जितमा कोहलीले ५४ बलमा ६ चौका र ४ छक्कासहित ८२ रनमा अविजित रहे ।
हार्दिक पान्ड्याले ३७ बलमा १ चौका र २ छक्कासहित ४० रनको योगदान दिए । भारतलाई अन्तिम १२ बलमा ३१ रन आवश्यक थियो । कोहलीले अन्तिम दुई बलमा हरिस रौफलाई लगातार दुई छक्का प्रहार गरे ।
पाकिस्तानका हरिस रौफले ४ ओभरमा ३६ रन खर्चेर २ विकेट लिए । नसिम शाहले ४ ओभरमा २३ रन खर्चेर १ विकेट लिए । मोहम्मद नवाजको नाममा पनि एक विकेट रह्यो ।
त्यसअघि मेलबर्न क्रिकेट ग्राउन्डमा टस हारेर पहिला ब्याटिङ थालेको पाकिस्तानले निर्धारित २० ओभरमा ८ विकेट गुमाउँदै १ सय ५९ रन बनाएको थियो । पाकिस्तानको लागि शन मकसुद ४२ बलमा ५ चौका सर्वाधिक ५२ रनमा अविजित रहे ।
