काठमाडौँ । यही कात्तिक ८ गतेदेखि १५ गतेसम्म एक साता माथिल्लो तामाकोशी आयोजनाबाट उत्पादन हुने विद्युत् बन्द हुने भएको छ ।
दोलखाको विगु गाउँपालिका–१ लामाबगरस्थित तामाकोशी जलविद्युत् केन्द्रको हडवक्र्स र मुख्य सुरुङको सो अवधिमा प्राविधि निरीक्षण गरिने हुनाले विद्युत् उत्पादन बन्द हुने आयोजनाले जनाएको छ ।
तिहारकै समय पारेर आयोजनाले विद्युत् उत्पादन बन्द गर्न लागेको हो । यस अविधिमा जलाशयको पानी घटाउने क्रममा तल्लो तटीय क्षेत्रमा ११र१२ घण्टा नदीको बहाव बढ्न जाने भएकाले तल्लो तटीय क्षेत्रमा पर्ने स्थानहरुमा सो अवधिभर सतर्कतापूर्वक सावधानी अपनाउन आयोजनाले आग्रह गरेको छ ।
लामाबगर, छैतछेत, गोंगर, जगत, टुनिटार, जामुने, भोर्ले, सिंगटी, नयाँ पुल, किर्ने, खिम्तीसहित सनकोशी नदिको दोभानसम्म नै माछा मार्ने, नुहाउने, पौडी खेल्ने, नदी तर्ने लगा धने वस्तुभाउ लैजाने गिटीबालुवा निकाल्ने, गाडी तार्ने जस्ता कार्यहरू नगर्न आयोजनाले आग्रह गरेको छ ।
साथै नदी किनारमा परम्पराअनुसार मृतकहरूको दाहसंस्कार वा धार्मिक संस्कार गर्नुपर्दा अत्यन्त सतर्कतापूर्वक एवं सावधानीका साथ गर्न समेत आयोजनाले अनुरोध गरेको छ ।
