पोखरा । नवौं राष्ट्रिय फुटबल अन्तर्गत एपीएफले पुरुष फुटबल प्रतियोगिताको सेमिफाइनलमा स्थान बनाएको छ ।
गोस्टेघाटमा सोमबार भएको खेलमा बागमती प्रदेशलाई ३–१ गोलले पराजित गर्दै एपीएफ अन्तिम चारमा पुगेको हो । पराजय ब्यहोरेको बागमती भने बाहिरिएको छ ।
पहिलो हाफको इन्जुरी समयमा अभिषेक रिजालले गोल गर्दै बागमतीलाई सुरुवाती अग्रता दिलाएका थिए । खेलको ६५ औं मिनेटमा प्रदीप लामाले गोल गर्दै एपीएफलाई १–१ गोलको बराबरीमा ल्याए ।
खेलको ७६ औं मिनेटमा नवीन लामाले गोल गर्दै एपीएफलाई २–१ को अग्रता दिलाए । त्यसपछि खेलको इन्जुरी समयमा नवीनले व्यक्तिगत दोस्रो तथा टिमका लागि तेस्रो गोल गर्दै एपीएफलाई ३–१ को जित दिलाए ।