काठमाडौं । शताब्दी पुरुष सत्यमोहन जोशीको पार्थिव शरीर नजलाई अध्ययनका लागि राखिने भएको छ ।
किष्ट मेडिकल कलेजमा उनको शरीर नगल्ने केमिकल प्रयोग गरेर अध्ययनका लागि राखिने अस्पतालले जानकारी दिएको छ ।
जोशीले मरणोपरान्त आफ्नो मृत शरीर किस्ट मेडिकल कलेज शिक्षण अस्पताललाई दान दिने सार्वजनिक घोषणा गरिसकेका थिए ।
जोशीको पार्थिव शरीर ललितपुर महानगरपालिकाको प्रांगणमा राखि राष्ट्रिय सम्मान दिएपछि पार्थिव शरीर पुन: किस्ट अस्पतालमा अध्ययनका लागि राखिने भएको छ ।
किष्ट मेडिकल कलेजले जोशीको निःशुल्क उपचार गर्दै आएको थियो । उनको किष्ट मेडिकल कलेजमा आइतबार बिहान ७ बजेर ९ मिनेटमा निधन भएको थियो ।
