काठमाडौ । केही दिन यता पर्ख र हेरको रणनीतिमा रहेको नेकपा एमालेको माधब नेपाल समूहले आगामी साता नयाँ पार्टी क्रियाशिल गराउन आन्तरिक तयारी गरेको छ ।
एमालेमा बस्ने सम्भाबना सकिएको भन्दै नेपाल समूहले कानूनी रुपमा नै नयाँदल क्रियाशिल गराउने निर्णयमा पुगेको सो समूहमा एक नेताले जानकारी दिनुभयो । ती नेताका अनुसार सम्भबत २८ गते वा त्यसपछिको प्रतिनिधिसभाको बैठक अन्त्य गरी केही दिन भित्र राजनीतिक दल सम्बन्धि अध्यादेश जारी गर्ने तयारी भै रहेको छ ।
यस बारेमा बुधबार बिहान नेता नेपाल र गृहमन्त्री बालकृष्ण खाँडबीच नेता नेपालको निबासका छलफल समेत भएको थियो । नेपाल निकट ती नेताका अनुसार दल बिभाजन गर्नका लागि अबरोध बन्दै आएको प्राबधान संसदीय दल र केन्द्रीय समिति दुबैमा ४० प्रतिशत हुनु पर्ने प्राबधान लाई शंसोधन गरी र को स्थानमा वा राखी अध्यादेश जारी गर्ने सहमति सहित तयारी भै सकेको छ । संसदीयदलका ४० प्रतिशत नपुग्ने अबस्था रहेका कारण केन्द्रीय समितिमा ४० प्रतिसत पुर्याउने प्रयास भै रहेको भन्दै ती नेताले भन्नुभयो केन्द्रीय समितिमा बामदेब गौतमले ४० प्रतिसत पुर्योउने बचन दिनुभएको छ सायद पुग्छ होला ।
उहाँका अनुसार दोश्रोतहका भनिएका नेताहरु नकुर्ने निर्णय सहित नेता नेपाल धेरै नै अघि बढ्नु भएको छ अब एकताको च्याप्टर सकियो । नयाँदल क्रियाशिल भए पछि ६ मन्त्री सहित सरकारमा सहभागी हुने पनि उहाँले जानकारी दिनुभयो ।
